მოგესალმებით, წარმოგიდგენთ ჩვენი დაწესებულების მოსაზრებას ამ ცვლილებასთან დაკავშირებით:

კონფირმაციული კვლევებისა და გენოტიპირების ცენტრალიზების მცდელობის წინა გამოცდილებიდან გამომდინარე, ვთვლით, რომ უფრო მოქნილ და ეფექტურ სისტემას წარმოადგენს პროგრამის ფარგლებში სინჯების დინების დღეისათვის მიღებული სქემა, კერძოდ,  ამ პროცესში ე.წ. რეფერალური კლინიკური ლაბორატორიების ჩართულობა. შესაბამისად, ჩვენის აზრით, სისხლის ნიმუშების დაარქივებაც უნდა განხორციელდეს დღეისათვის არსებული სქემის მიხედვით, რაც გულისხმობს დაარქივების საიტებად არა მარტო ლუგარის ლაბორატორიის ბაზის გამოყენებას, არამედ რეფერალური კლინიკური ლაბორატორიების ბაზების გამოყენებასაც.

რეფერალური კლინიკური ლაბორატორიები დღეის მდგომარეობით აწარმოებენ პროგრამით გაწერილი სერვისის განმახორციელებელი დაწესებულებების მომსახურებას მათთვის კონფირმაციული კვლევების ჩატარების კუთხით და, შესაბამისად, დამატებითი დანახარჯების გარეშე, შეძლებენ რეინფექციის დასადასტურებლად მათ ბაზაზე შენახულ სინჯებზე დამატებითი კვლევის ჩატარებას (ვირუსის განმეორებითი გენოტიპირება).

ყველა სინჯის ლუგარის ცენტრში გადაგზავნის შემთხვევაში მოსალოდნელია გაცილებით მეტი სირთულეები და დანახარჯები, ვიდრე კლინიკური ცენტრების მიერ ამ ფუნქციის თავის თავზე აღების შემთხვევაში. გასათვალისწინებელია ასევე ეთიკური საკითხები პაციენტების კლინიკური სინჯების სამეცნიერო-კვლევით ცენტრში გადაგზავნასთან დაკავშირებით, რაც მოითხოვს დამატებითი ინფორმირებული თანხმობის მიღების რეგულაციურ სამუშოებს.

ზემოაღნიშნულიდან გამომდინარე, ვთვლით, რომ დადგენილებაში უნდა შევიდეს შემდეგი დამატება (დამატებითი ტექსტი ხაზგასმულია) „ა.ა.ა.მ) ,,ა“ ქვეპუნქტის ,,ა.ა.ა.გ.ე“ ქვეპუნქტის მიზნებისთვის, ,,ა“ ქვეპუნქტის  ,,ა.ა.ა.დ“, ,,ა.ა.ა.ვ“, ,,ა.ა.ა.თ“ და ,,ა.ა.ა.კ“ ქვეპუნქტების ფარგლებში, მიმწოდებელი, კონფირმაციული კვლევის ჩატარებასთან ერთად, ახორციელებს პაციენტისთვის სისხლის ნიმუშის აღებას, ცენტრის გენერალური დირექტორის ინდივიდუალური ადმინისტრაციულ- სამართლებრივი აქტით დამტკიცებული ალგორითმის – „სისხლის   აღების,   ალიქვოტების   მომზადებისა   და   ტრანსპორტირების   წესის“   შესაბამისად   და უზრუნველყოფს სისხლის ნიმუშის მიწოდებას ცენტრის რეგიონულ ლაბორატორიაში ან შესაბამის კლინიკურ ლაბორატორიაში გეოგრაფიული პრინციპით; ამასთან, პროგრამის მე-4 მუხლის 41 პუნქტით განსაზღვრული მიმწოდებლებისგან, გარდა პროგრამის მე-4 მუხლის 41 პუნქტის „გ“ ქვეპუნქტით განსაზღვრულისა, სისხლის ნიმუშების მოგროვებასა და ლუგარის ცენტრში ან შესაბამის  კლინიკურ ლაბორატორიაში მიწოდებას ახორციელებს ცენტრი;“.